CCCLXXXIV.

1498, October 27. Neisse.

Bischof Johannes IV. setzt den Bruder Martin als Pfarrer in Baitzen ein.

Johannes dei gracia episcopus Wratislaviensis etc. universis et singulis presbyteris nostre diocesis presentibus requisitis salutem in domino. Vacante ecclesia parrochiali in Beyczano per mortem olim religiosi fratris Johannis ord. Cisterc. monasterii in Camentz, ultimi et immediati eiusdem rectoris, ad presentacionem reverendi patris, domini Jacobi abbatis dicti monasterii in Camentz amici in Christo devote nobis dilecti, iuspatronatus dicte ecclesie habere pretendentis, religiosum fratrem Martinum eiusdem ordinis de eadem ecclesia investivimus et presentibus investimus administracione spiritualium et temporalium cum regimine et animarum cura inibi sibi recommissis. Quocirca vobis presentibus committimus et mandamus, quatenus dictum fratrem Martinum in possessionem dicte ecclesie iuriumque et pertinenciarum ipsius nostra ducatis auctoritate legitime corporalem facientesque sibi de universis et singulis iuribus, fructibus, emolumentis ac obventionibus a censitis et reddituaris suis integre responderi, quodque sui plebisani sibi in omnibus tanquam ipsorum vero animarum rectori et pastori obediant et intendant, iure tamen nostro et omnium aliorum semper salvo. Datum Nise die vigesima septima mensis Octobris anno domini millesimo quadringentesimo nonagesimo octavo nostro sub sigillo.

Or. Perg. Das kleine S. des Bischofs (in einem Dreipasse zwei Wappenschilde, das rechte die Lilien, das andere, nicht mehr erkenntliche das Geschlechtswappen des Bischofs enthaltend) am Pergamentstreifen abhängend.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.